ហ៊ិន ច័ន្ទនីរ័ត្ន បដិសេដស្នេហ៏ On August 11, 2011

ពិធីការិនី និង ជាអ្នកសម្តែងវ័យ ២០  ឆ្នាំ កញ្ញា ហ៊ិន ច័ន្ទនីរ័ត្ន បានអះអាងថា  នាងមិនទាន់មានសង្សារនៅឡើយទេ បើទោះ ជាថ្មីៗនេះមានព័ត៌មានផ្សាយថា នាង  មានគូស្នេហ៍ជាមួយបុរសម្នាក់ក៏ដោយ ។

ស្រីស្រស់តូចច្រឡឹងអតីតហ្វ្រេស៊ីកាលពីឆ្នាំ ២០០៧ រូបនេះ បច្ចុប្បន្នមានសាច់ ឈាមទ្រលុកទ្រលន់ស្រស់ស្អាតជាងមុន ប៉ុន្តែគេមិនសូវឃើញការងារសិល្បៈរបស់ នាងមមាញ្ញឹកដូចមុនទេ ។
កាលពីមុននេះនាងត្រូវបានគេសង្ស័យថា ជាគូស្នេហ៍របស់ បុរសភ្នែកតូច សុខ សេរីវឌ្ឍនា ពិធីករទូរទស្សន៍ប៉ុស្តិ៍លេខ ៥ ពីព្រោះជាញ្ញឹកញ្ញាប់អ្នកទាំងពីរដើរជាមួយគ្នា ហើយជាក់ស្តែងពេល នាងទៅសម្តែងនៅប្រទេស អូស្ត្រាលីកាលពីដើមឆ្នាំ ២០១០ មកនោះ ក៏លោក សុខ សេរីវឌ្ឍនា ទៅជូនដំណើរផងដែរ ។ ជាងនេះ ទៅទៀត គឺកាលនោះជារឿយៗកំលោះភ្នែកតូចរូប នោះតែងតែផ្ញើបទ ចម្រៀងទៅឱ្យនាងស្ទើរតែគ្រប់ ពេលដែលលោកកាន់ក្បាលមេក្រូហ្វូន នៅក្នុងកម្មវិធីប្រគំតន្ត្រីបន្ត ផ្ទាល់តាមទូរទស្សន៍ ។
ថ្មីៗនេះមានព័ត៌មានមួយទៀតថា នាងមានគូ ស្នេហ៍ហើយជាមួយបុរសដែលមានវ័យស្របាលនាង ឈ្មោះ“សិទ្ធិ” ជាបុគ្គលិកក្រុមហ៊ុនឯកជនមួយ ហើយម្តងម្កាលបុរសនោះតែងតែជូននាងទៅធ្វើការ ហើយក៏មានព័ត៌មានថានាងបានជិះរថយន្ត ឡខ៉េស ៤៧០ ហើយថែមទាំងមានអង្គរក្សតាមការញរនាង ថែមទៀតផង ។
ទាក់ទងទៅនឹងព័ត៌មានថានាងមានគូស្នេហ៍ ខាងលើនេះ កញ្ញា ហ៊ិន ច័ន្ទនីរ័ត្ន បាននិយាយបែប ងឿងឆ្ងល់ថា “អត់ដឹងឈ្មោះ “សិទ្ធិ” នោះជាអ្នក ណាផង ខ្ញុំមិនស្គាល់ទេ !”។ ស្រីតូច នីរ័ត្ន បានសើច តិចៗ ហើយបន្តនិយាយថា “ខ្ញុំជិះតែកូនឡានកូរ៉ូឡា ទេតើបង ! មានអង្គរក្សមកពីណា ! ខ្ញុំទៅធ្វើការតែ ម្នាក់ឯងហ្នឹង ! អ្នកធ្វើការជាមួយខ្ញុំក៏គេដឹងដែរ ”។
ស្រីស្អាតអះអាងទៀតថា “ខ្ញុំមិនទាន់មានគូ ស្នេហ៍ ឬ សង្សារអ្វីទេ ។ ខ្ញុំគិតថាមានគូស្នេហ៍គឺ នៅពេលណាដែលខ្ញុំធ្វើការងារបានជោគជ័យសិន ព្រោះសព្វថ្ងៃនេះការងាររបស់ខ្ញុំមិនទាន់ឃើញមាន ជោគជ័យអ្វីនៅឡើយផង ”។

Posted in: Khmer Movie