ចុងក្រោយនេះមានលេចឮព័ត៌មានថា ឪពុកម្តាយខាងប្រុសដែលជា គូស្នេហ៍ របស់សុខ សោមាវត្តី បាន ជួបចាស់ទុំខាងស្រីដើម្បី និយាយពីរឿងរៀបការ។ នៅថ្ងៃទី ២៧ ខែធ្នូ ដែលទើបកន្លងមកនេះ អ្នកទាំងពីរថែម ទាំងបានបណ្តើរគ្នាទៅខេត្តព្រះសីហនុ ដើម្បីឡើងផ្ទះវីឡាមួយនៅខណ្ឌមិត្តភាព ។ មានព័ត៌មានថា ផ្ទះថ្មីនោះគឺជាចំណង ដៃសម្រាប់អ្នកទាំងពីរក្នុងថ្ងៃអាពាហ៍ពិពាហ៍ ។
មានព័ត៌មាននិយាយតៗគ្នាថា កាលពីប៉ុន្មានខែមុន គូស្នេហ៍ សុខ សោមាវត្តី បាននិយាយជាមួយម្តាយរបស់នាងពីរឿងភ្ជាប់ញក្យ និង រឿងរៀបការ ប៉ុន្តែគ្មាន នរណាដឹងពីលទ្ធផលនោះឡើយ គ្រាន់តែលេចឮព័ត៌មានថា សុខ សោមាវត្តី នឹង រៀបការនៅឆ្នាំ ២០១១ ខាងមុខ ។
ជួបជាមួយម្តាយ សុខ សោមាវត្តី អ្នកស្រីបានឱ្យដឹងថា អ្នកស្រីក៏ចង់ឱ្យកូនស្រីរៀបការឆាប់ៗដែរ ន្អាលនឹងមានចៅពនឹងគេ ប៉ុន្តែអ្នកស្រីមិន អាចបង្ខំចិត្តកូនស្រីឱ្យធ្វើអ្វីដែលនាងមិនចង់ធ្វើឡើយ កន្លងមកគូស្នេហ៍នាងក៏ធ្លាប់ និយាយពីរឿងរៀបការជាមួយអ្នកស្រីដែរ តែអ្វីៗអ្នកស្រីទុកឱ្យកូនជាអ្នកសម្រេច ។ បើនិយាយពីរឿងភ្ជាប់ញក្យមិនអាចទៅរួចទេ ពីព្រោះការភ្ជាប់ញក្យគឺចំណាយប្រាក់ ឥតប្រយោជន៍ បើសម្រេចព្រមព្រៀងគ្នាពេលណាគឺរៀបការតែម្តង ។
“មូលហេតុដែល អាតី មិនទាន់សម្រេចចិត្តរៀបការដោយសារនាងនៅក្មេងចង់ សប្បាយ និង ធ្វើការរកប្រាក់ឱ្យបានច្រើនមុននឹងឈានដល់ជីវិតអាពាហ៍ពិពាហ៍ ”។
ម្តាយ សុខ សោមាវត្តី បានឱ្យដឹងថា “អាតី និង គូស្នេហ៍ពិតជាបានទៅចូល រួមកម្មវិធីឡើងផ្ទះនោះមែន ពីព្រោះពួកគេទាំងពីរនាក់ស្រឡាញ់គ្នា ការជួបជុំចាស់ ទុំក៏មិនមែនជារឿងខុសឆ្គងដែរ តែផ្ទះនោះពិតជាមិនមែនជាផ្ទះរបស់ អាតី ឡើយ គឺជាផ្ទះលោកយាយរបស់នាងដែលទើបនឹងសាងសង់រួច ”។
ស្ថិតក្នុងវ័យ ២២ ឆ្នាំ សុខ សោមាវត្តី កាន់តែមាន សម្រស់ស្រស់សោភា បើប្រៀបធៀបនឹងមិត្តរួមជំនាន់គឺពិតជាមិនធម្មតាទេ ដោយ សារតែទេពកោសល្យ រួមជាមួយរូបសម្រស់ពីធម្មជាតិអាចធ្វើឱ្យនាងឈរជើងនៅ ក្នុងវិស័យនេះបានយ៉ាងស្រួល ៕
0 comments:
Post a Comment